||Sundarakanda ||
|| Sarga 56||( Slokas in Kannada )
हरिः ओम्
Sloka Text in Telugu , Kannada, Gujarati, Devanagari, English
ಸುಂದರಕಾಂಡ.
ಅಥ ಷಟ್ಪಂಚಾಶಸ್ಸರ್ಗಃ||
ತತಸ್ತು ಶಿಂಶುಪಾಮೂಲೇ ಜಾನಕೀಂ ಪರ್ಯುಪಸ್ಥಿತಾಮ್|
ಅಭಿವಾದ್ಯಾಬ್ರವೀತ್ ದಿಷ್ಟ್ಯಾ ಪಶ್ಯಾಮಿ ತ್ವಾಮಿಹಾಕ್ಷತಾಮ್||1||
ತತಸ್ತಂ ಪ್ರಸ್ಥಿತಂ ಸೀತಾ ವೀಕ್ಷಮಾಣಾ ಪುನಃ ಪುನಃ|
ಭರ್ತೃಸ್ನೇಹಾನ್ವಿತಂ ವಾಕ್ಯಂ ಹನುಮಂತಂ ಅಭಾಷತ||2||
ಕಾಮಮಸ್ಯ ತ್ವಮೇವೈಕಃ ಕಾರ್ಯಸ್ಯ ಪರಿಸಾಧನೇ|
ಪರ್ಯಾಪ್ತಃ ಪರವೀರಘ್ನಃ ಯಶಸ್ಯಃ ತೇ ಬಲೋದಯಃ||3||
ಶರೈಸ್ತು ಸಂಕುಲಾಂ ಕೃತ್ವಾ ಲಂಕಾಮ್ ಪರಬಲಾರ್ದನಃ|
ಮಾಂ ನಯೇದ್ಯದಿ ಕಾಕುತ್ಸ್ಥಃ ತತ್ ತಸ್ಯ ಸದೃಶಂ ಭವೇತ್||4||
ತದ್ಯಥಾ ತಸ್ಯ ವಿಕ್ರಾನ್ತಮನುರೂಪಂ ಮಹಾತ್ಮನಃ|
ಭವತ್ಯಾಹವಶೂರಸ್ಯ ತಥಾ ತ್ವಮುಪಪಾದಯ||5||
ತದರ್ಥೋಪಹಿತಂ ವಾಕ್ಯಂ ಪ್ರಶ್ರಿತಂ ಹೇತುಸಂಹಿತಮ್|
ನಿಶಮ್ಯ ಹನುಮಾನ್ ತಸ್ಯಾ ವಾಕ್ಯ ಮುತ್ತರಮಬ್ರವೀತ್||6||
ಕ್ಷಿಪ್ರಮೇಷ್ಯತಿ ಕಾಕುತ್ಸ್ಥೋ ಹರ್ಯೃಕ್ಷಪ್ರವರೈರ್ವೃತಃ|
ಯಸ್ತೇ ಯುಧಿ ವಿಜಿತ್ಯಾರೀನ್ ಶೋಕಂ ವ್ಯಪನಯಿಷ್ಯತಿ||7||
ಏವಮಾಶ್ವಾಸ್ಯ ವೈದೇಹೀಂ ಹನುಮಾನ್ ಮಾರುತಾತ್ಮಜಃ|
ಗಮನಾಯ ಮತಿಂ ಕೃತ್ವಾ ವೈದೇಹೀಂ ಅಭ್ಯವಾದಯತ್||8||
ತತಸ್ಸ ಕಪಿಶಾರ್ದೂಲಃ ಸ್ವಾಮಿಸಂದರ್ಶನೋತ್ಸುಕಃ|
ಆರುರೋಹ ಗಿರಿಶ್ರೇಷ್ಠಂ ಅರಿಷ್ಠಂ ಅರಿಮರ್ದನಃ||9||
ತುಂಗಪದ್ಮಕಜುಷ್ಟಾಭಿಃ ನೀಲಾಭಿರ್ವನರಾಜಿಭಿಃ|
ಸೋತ್ತರೀಯಮಿವಾಂಭೋದೈಃ ಶೃಂಗಾಂತರವಿಲಮ್ಬಿಭಿಃ||10||
ಬೋಧ್ಯಮಾನಮಿವ ಪ್ರೀತ್ಯಾ ದಿವಾಕರ ಕರೈಃ ಶುಭೈಃ|
ಉನ್ಮಿಷನ್ತಮಿವೋದ್ದೂತೈಃ ಲೋಚನೈರಿವ ಧಾತುಭಿಃ||11||
ತೋಯೌಘನಿಸ್ಸ್ವನೈರ್ಮಂದ್ರೈಃ ಪ್ರಾಧೀತ ಮಿವ ಪರ್ವತಮ್|
ಪ್ರಗೀತಮಿವ ವಿಸ್ಪಷ್ಟೈಃ ನಾನಾಪ್ರಸ್ರವಣಸ್ವನೈಃ||12||
ದೇವದಾರುಭಿರತ್ಯುಚ್ಚೈಃ ಊರ್ಧ್ವಬಾಹುಮಿವ ಸ್ಥಿತಮ್|
ಪ್ರಪಾತ ಜಲನಿರ್ಘೋಷೈಃ ಪ್ರಾಕೃಷ್ಟ ಮಿವ ಸರ್ವತಃ||13||
ವೇಪಮಾನ ಮಿವ ಶ್ಯಾಮೈಃ ಕಂಪಮಾನೈಃ ಶರದ್ಘನೈಃ|
ವೇಣುಭಿರ್ಮಾರುತೋದ್ದೂತೈಃ ಕೂಜನ್ತಮಿವ ಕೀಚಕೈಃ||14||
ನಿಶ್ಸ್ವಸನ್ತಮಿವಾಮರ್ಷಾತ್ ಘೋರೈರಾಶೀವಿಷೋತ್ತಮೈಃ|
ನೀಹಾರಕೃತಗಂಭೀರೈಃ ಧ್ಯಾಯನ್ತಮಿವ ಗಹ್ವರೈಃ||15||
ಮೇಘಪಾದನಿಭೈಃ ಪಾದೈಃ ಪ್ರಕಾನ್ತಮಿವ ಸರ್ವತಃ|
ಜೃಂಭಮಾನ ಮಿವಾಕಾಶೇ ಶಿಖರೈರಭ್ರಮಾಲಿಭಿಃ||16||
ಕೂಟೈಶ್ಚ ಬಹುಧಾಕೀರ್ಣೈಃ ಶೋಭಿತಂ ಬಹುಕನ್ದರೈಃ|
ಸಾಲತಾಲಾಶ್ವಕರ್ಣೈಶ್ಚ ವಂಶೈಶ್ಚ ಬಹುಭಿರ್ವೃತಮ್||17||
ಲತಾವಿತಾನೈರ್ವಿತತೈಃ ಪುಷ್ಪವದ್ಭಿರಲಂಕೃತಮ್|
ನಾನಾಮೃಗ ಗಣಾಕೀರ್ಣಂ ಧಾತುನಿಷ್ಯನ್ದಭೂಷಿತಮ್||18||
ಬಹುಪ್ರಸ್ರವಣೋಪೇತಂ ಶಿಲಾಸಂಚಯಸಂಕಟಮ್|
ಮಹರ್ಷಿಯಕ್ಷಗಂಧರ್ವ ಕಿನ್ನರೋರುಗಸೇವಿತಮ್||19||
ಲತಾಪಾದಸಂಘಾತಂ ಸಿಂಹಾಧ್ಯುಷಿತಕನ್ದರಮ್|
ವ್ಯಾಘ್ರಸಂಘಸಮಾಕೀರ್ಣಂ ಸ್ವಾದುಮೂಲಫಲದ್ರುಮಮ್||20||
ತಂ ಆರುರೋಹ ಹನುಮಾನ್ ಪರ್ವತಂ ಪವನಾತ್ಮಜಃ|
ರಾಮದರ್ಶನ ಶೀಘ್ರೇಣ ಪ್ರಹರ್ಷೇಣಾಭಿಚೋದಿತಃ||21||
ತೇನ ಪಾದತಲಾಕ್ರಾನ್ತಾ ರಮ್ಯೇಷು ಗಿರಿಸಾನುಷು|
ಸಘೋಷಾಃ ಸಮಶೀರ್ಯನ್ತ ಶಿಲಾಃ ಚೂರ್ಣೀಕೃತಾಸ್ತತಃ||22||
ಸ ತಂ ಆರುಹ್ಯ ಶೈಲೇಂದ್ರಂ ವ್ಯವರ್ಥತ ಮಹಾಕಪಿಃ|
ದಕ್ಷಿಣಾದುತ್ತರಂ ಪಾರಂ ಪ್ರಾರ್ಥಯನ್ ಲವಣಾಂಭಸಃ||23||
ಅಧಿರುಹ್ಯ ತತೋ ವೀರಃ ಪರ್ವತಂ ಪವನಾತ್ಮಜಃ|
ದದರ್ಶ ಸಾಗರಂ ಭೀಮಂ ಮೀನೋರಗನಿಷೇವಿತಮ್||24||
ಸ ಮಾರುತ ಇವಾऽಕಾಶಂ ಮಾರುತಸ್ಯಾऽತ್ಮಸಂಭವಃ|
ಪ್ರಪೇದೇ ಹರಿಶಾರ್ದೂಲೋ ದಕ್ಷಿಣಾದುತ್ತರಂ ದಿಶಮ್||25||
ಸ ತದಾ ಪೀಡಿತಸ್ತೇನ ಕಪಿನಾ ಪರ್ವತೋತ್ತಮಃ|
ರರಾಸ ಸಹ ತೈರ್ಭೂತೈಃ ಪ್ರವಿಶನ್ ವಸುಧಾತಲಮ್||26||
ಕಮ್ಪಮಾನೈಶ್ಚ ಶಿಖರೈಃ ಪತದ್ಭಿರಪಿ ಚ ದ್ರುಮೈಃ|
ತಸ್ಯೋರು ವೇಗೋನ್ಮಥಿತಾಃ ಪಾದಪಾಃ ಪುಷ್ಪಶಾಲಿನಃ||27||
ನಿಪೇತುರ್ಭೂತಲೇ ರುಗ್ಣಾಃ ಶಕ್ರಾಯುಧ ಹತಾ ಇವ|
ಕನ್ದರಾನ್ತರಸಂಸ್ಥಾನಂ ಪೀಡಿತಾನಾಂ ಮಹೌಜಸಾಮ್||28||
ಸಿಂಹಾನಾಂ ನಿನದೋ ಭೀಮೋ ನಭೋ ಭಿನ್ದನ್ ಸ ಶುಶ್ರುವೇ|
ಸ್ರಸ್ತಾವ್ಯಾವೃತ್ತ ವಸನಾ ವ್ಯಾಕುಲೀಕೃತಭೂಷಣಾಃ||29||
ವಿದ್ಯಾಧರ್ಯಃ ಸಮುತ್ಪೇತುಃ ಸಹಸಾ ಧರಣೀ ಧರಾತ್|
ಅತಿಪ್ರಮಾಣಾ ಬಲಿನೋ ದೀಪ್ತಜಿಹ್ವಾ ಮಹಾವಿಷಾಃ||30||
ನಿಪೀಡಿತ ಶಿರೋಗ್ರೀವಾ ವ್ಯಚೇಷ್ಟನ್ತ ಮಹಾಹಯಃ|
ಕಿನ್ನರೋರಗ ಗಂಧರ್ವಯಕ್ಷವಿದ್ಯಾಧರಸ್ತದಾ||31||
ಪೀಡಿತಂ ತಂ ನಗರಂ ತ್ಯಕ್ತ್ವಾ ಗಗನಮಾಸ್ಥಿತಾಃ|
ಸ ಚ ಭೂಮಿಧರಃ ಶ್ರೀಮಾನ್ ಬಲಿನಾ ತೇನ ಪೀಡಿತಃ||32||
ಸ ವೃಕ್ಷಶಿಖರೋದಗ್ರಃ ಪ್ರವಿವೇಶ ರಸಾತಲಮ್|
ದಶಯೋಜನವಿಸ್ತಾರಃ ತ್ರಿಂಶದ್ಯೋಜನಮುಚ್ಛ್ರಿತಃ||33||
ಧರಣ್ಯಾಮ್ ಸಮತಾಂ ಯಾತಃ ಸ ಬಭೂವ ಧರಾಧರಃ|
ಸ ಲಿಲಿಂಗ ಯಿಷುರ್ಭೀಮಂ ಸಲೀಲಂ ಲವಣಾರ್ಣವಮ್||34||
ಕಲ್ಲೋಲಾಸ್ಫಾಲ ವೇಲಾನ್ತ ಮುತ್ಪಪಾತ ನಭೋ ಹರಿಃ||35||
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ಷಟ್ಪಂಚಾಶಸ್ಸರ್ಗಃ ||
|| Om tat sat ||